Kea ɛɛ' nyʋ 'a ‑tɩ' kmaa se "ti ‑ta 'ble
136
Ao ‑sa Nyɔsoa 'nynɩ,dɛ ‑nʋɛ ɛ nmɔ 'diwɔn, ɛɛ' nyʋ 'a ‑tɩ' kmaa' se "ti na' 'ble.
2 Kɩɩn, Kea ‑ɛ ‑nɩa klaa" 'bo ‑kɩɩ' ‑wee'‑ "jru kpɔ' ɛ,
ao ‑sɛ 'nynɩ, ɛɛ' nyʋ 'a ‑tɩ' kmaa' se "ti na' 'ble.
3 Kea ‑ɛ ‑nɩa Tʋ "bo ‑wi" 'a Tʋ "bo ɛ, ao ‑sɛ 'nynɩ,
ɛɛ' nyʋ 'a ‑tɩ' kmaa' se "ti na' 'ble.
4 Ɛɛ' 'sʋ mɛ ‑ɛɛ nʋ jrii' klae" klae",
ɛɛ' nyʋ 'a ‑tɩ' kmaa' se "ti na' 'ble.
5 Ɛɛ' dɛ "jrii‑ juua' mɛ ɛ nʋ ɛ je jaʋn nʋ,
ɛɛ' nyʋ 'a ‑tɩ' kmaa' se "ti na' 'ble.
6 Ɛmɛ ‑poo 'blʋa 'tɔniɛ "jrui,
ɛɛ' nyʋ 'a ‑tɩ' kmaa' se "ti na' 'ble.
7 Ɛmɛ ‑nʋ' 'cɩ ‑sɩɩn klae" klae",
ɛɛ' nyʋ 'a ‑tɩ' kmaa' se "ti na' 'ble.
8 Ɛmɛ ‑nʋ' 'jrʋ ‑wɛe ɛ 'je ‑sɔn' ‑sɩɩn,
ɛɛ' nyʋ 'a ‑tɩ' kmaa' se "ti na' 'ble.
9 Ɛmɛ ‑tu" 'cʋ e, 'cʋ ‑sɩɩn 'de jaʋn ‑kwlʋ,
‑wɛe ‑bo kwie kpʋn 'de ‑mɩ a fan,
ɛɛ' nyʋ 'a ‑tɩ' kmaa' se "ti na' 'ble.
10 Ɛmɛ ‑dba Esipʋ nyʋ 'a "nynuu‑ ‑wee'‑,
ɛɛ' nyʋ 'a ‑tɩ' kmaa' se "ti na' 'ble.
11 ‑Wɛe ‑ɛ ‑sa 'e Israɛnyʋ.
Ɛɛ' nyʋ 'a ‑tɩ' kmaa' se "ti na' 'ble.
12 'De ɛɛ' "ikmaa' klaa" 'ʋn,
ɛɛ' nyʋ 'a ‑tɩ' kmaa' se "ti na' 'ble.
13 Ɛ cɛn 'tɔniɛ ‑saan ‑tie" 'bo ‑kwea'‑,a
ɛɛ' nyʋ 'a ‑tɩ' kmaa' se "ti na' 'ble.
14 ‑Wɛe Israɛnyʋ cɛɛn 'bo ɛ wɔn.
Ɛɛ' nyʋ 'a ‑tɩ' kmaa' se "ti na' 'ble.
15 Ɛmɛ ‑nʋɛ ‑wɛe Faraɔn ke,b
ɔɔ' "sʋɩ sie 'e 'tɔniɛ ‑saan wɔn,
ɛɛ' nyʋ 'a ‑tɩ' kmaa' se "ti na' 'ble.
16 Ɛmɛ ‑kɔn ɛɛ' 'cɛ ‑wi" "juɛi 'de ‑pɩɩɔn" 'blʋa "kpei.
Ɛɛ' nyʋ 'a ‑tɩ' kmaa' se "ti na' 'ble.
17 Ɛmɛ ɛɛ tʋ du, 'blʋɩ jeʋn klae" klae",
ɛɛ' nyʋ 'a ‑tɩ' kmaa' se "ti na' 'ble.
18 'Beɔ ‑wi" ‑kmai" ɛ, ʋʋpʋ‑ ɛ ‑sai.
Ɛɛ' nyʋ 'a ‑tɩ' kmaa' se "ti na' 'ble.
19 Siɔn ‑ɔ ‑nɩa Amoritɩ ‑wi" 'a 'beɔ ɛmɛ ‑dbɔ',
ɛɛ' nyʋ 'a ‑tɩ' kmaa' se "ti na' 'ble.
20 Ɔ ke Ɔkɩ ‑jɔ ‑nɩa Basan kɔʋn 'a 'beɔ ɛ,
ɛmɛ ‑sa ‑mɔ i,
ɛɛ' nyʋ 'a ‑tɩ' kmaa' se "ti na' 'ble.
21 Ɛmɛ ‑nyɩ" ʋʋa' 'blʋa nyʋ:
ɛɛ' nyʋ 'a ‑tɩ' kmaa' se "ti na' 'ble.
22 ‑Ɛmɛ ‑nyɩ"
Israɛ ‑nɩa ɛɛ' dbonʋʋ 'blʋa ‑nɛ,
ɛɛ' nyʋ 'a ‑tɩ' kmaa' se "ti na' 'ble.
23 ‑Ta ‑a ‑teea wɛebɩ ɛ, ɛ ‑poɛ ‑aa ‑tɩ' ‑kwlʋ o,
ɛɛ' nyʋ 'a ‑tɩ' kmaa' se "ti na' 'ble
24 Ɛmɛ ‑seie ‑aʋn 'de ‑aa tʋnyʋ 'kwa.
Ɛɛ' nyʋ 'a ‑tɩ' kmaa' se "ti na' 'ble.
25 Ɛmɛ ‑ɛɛ ‑nyɩ" nyʋ ‑wee'‑ "klein diidɛ,
ɛɛ' nyʋ 'a ‑tɩ' kmaa' se "ti na' 'ble.
26 Ao 'bɛɛ‑ Kea ‑nɩa 'de jaʋn 'di 'a 'nynɩ "i,
ɛɛ' nyʋ 'a ‑tɩ' kmaa' se "ti na' 'ble.